SERIKALI IMETOA SHILINGI MILIONI 115.6 KWAAJILI YA UJENZI WA MADARASA YA AWALI YA MFANO....

Posted on: June 16th, 2023

TAARIFA KWA UMMA/VYOMBO VYA HABARI.

Mkurugenzi Mtendaji halmashauri ya Arusha Seleman Msumi, anautaarifu Umma kuwa Halmashauri imepokea fedha kiasi cha shilingi Milioni 115.6 kwa awamu mbili kutoka Serikali Kuu kupitia miradi ya GPE - LANES II kwa ajili ya kutekeleza miradi ya ujenzi wa miundombinu ya  shule mbili za Msingi.

Mkurugenzi Msumi amefafanua kuwa kiasi hicho cha fedha kitatumika kujenga miundombinu ya madarasa ya awali ya mfano kwa shule mbili, ikiwemo shule ya Msingi Ngorbob kata ya Matevesi na shule ya Msingi Olokii kata ya Bwawani.

Aidha kila shule itajengwa vyumba viwili vya madarasa na samani zake, michezo ya watoto (bembea), matundu sita ya vyoo huku matundu mawili ya vyoo yakiwa ni maalum kwa Wanafunzi wenye Mahitaji Maalum kwa shule zote mbili.

Mkurugenzi Msumi amefafanua lengo la Serikali kutoa fedha hizo ni kuboresha miundombinu ya shule za awali nchini kwa kujenga shule za awali za mfano zenye vifaa vyote muhimu (Nursery Model School), ili kukuza stadi za Kusoma, Kuandika na Kuhesabu kwa wanafunzi wa shule za msingi.

Mchanganuo wa fedha hizo na Miradi itakayotekelezwa imeainishwa kwenye jedwali:-

Elinipa J. Lupembe

KAIMU MKUU WA KITENDO CHA MAWASILIANO SERIKALINI