Kamati ya Kudhibiti UKIMWI Halmashauri ya Arusha ina jumla ya wajumbe 5 wa Baraza la Madiwani na Wajumbe wengine kutoka Mashirika yasiyo ya Kiserikali.
Kamati hii inafanya vikao vyake mara moja kila baada ya miezi mitatu (kila robo) na Kisheria Mwenyekiti wa Kamati hii ni Makamu Mwenyekiti wa Halmashauri Mhe. Baraka SimonMesiak na Katibu akiwa ni Mkuu wa Idara ya Afya Halmashauri ya Arusha.
Kamati ya Kudhibiti UKIMWI inashughulika na kuweka Mipango na Mikakati mbalimbali ya kudhibiti UKIMWI katika Halmashauri.
Majukumu makuu ya Kamati ya Mpango wa Kudhibiti UKIMWI ni pamoja na:-
Kushirikisha wadau tofauti katika maeneo husika ili kuongeza uchangiaji wa mawazi na vyanzo, usimamizi, uratibu na utekelezaji wa kazi za Tume ya Kudhibiti UKIMWI.
Kusimamia uundwaji wa Kamati zote za Kudhibiti UKIMWI.
Kupendekeza na kutambua hali ya UKIMWI/ Mipango na utekelezaji wake na kufikisha katika ngazi husika kwa hatua zaidi.
Kutathmini ya hali ya UKIMWI katika eneo husika kuhusu:-
Idadi ya wagonjwa, yatima na wajane
Kasi ya maambukizi
Mazingira maalum yanayochangia maambukizi.
Uelewa wa wananchi juu ya janga la UKIMWI.
Kuweka mikakati madhubuti ya kuhakikisha kila motto aliye na umri wa kuandikishwa shule anafanya hivyo.
Kuweka mikakati ya makusudi juu ya njia bora za kuchangia baadhi ya huduma za Elimu na Afya.
Kubuni na kupendekeza njia bora ya kuzuia na kudhibiti magonjwa ya mlipuko.
Serikali haitatoa fedha kwa Halmashauri isiyokuwa na mipango madhubuti ya kudhibiti UKIMWI.
