KIKAO KAZI CHA WENYEVYITI WA BODI NA WATENDAJI WAKUU WA TAASISI ZA UMMA (CEOs Forum 2025)

Posted on: August 24th, 2025

Matukio katika picha yanaonyesha kikao kazi cha Wenyeviti wa Bodi na Watendaji Wakuu wa Taasisi za Umma (CEOs Forum 2025) kilichofanyika leo tarehe 24 Agosti 2025 katika Kituo cha Mikutano cha Kimataifa cha AICC jijini Arusha. Kikao hiki kimewaleta pamoja viongozi wakuu kutoka taasisi mbalimbali za umma kwa lengo la kujadili masuala ya kiutendaji na kubadilishana uzoefu katika usimamizi wa taasisi.

Mgeni rasmi katika kikao hiki ni Makamu wa Rais wa Jamhuri ya Muungano wa Tanzania, Mheshimiwa Dkt. Philip Mpango, ambaye alimwakilisha Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan. Uwepo wa viongozi hawa wakuu umeonyesha umuhimu mkubwa wa mkutano huu katika kuimarisha dira ya maendeleo ya Taifa.

Aidha, kikao hiki kimekuwa jukwaa muhimu la kujadili changamoto na fursa zinazozikabili taasisi za umma, huku kikilenga kuongeza uwajibikaji, ufanisi na ubunifu katika utendaji. Washiriki wamepata nafasi ya kuwasilisha maoni na mapendekezo yatakayosaidia kuboresha mifumo ya kiutawala na kusimamia rasilimali kwa manufaa ya Taifa.