DC KAGANDA AKUTANA NA AFANYA KIKAO NA WADAU WA TAASISI ZA FEDHA

Posted on: July 18th, 2024

DC KAGANDA AKUTANA NA AFANYA KIKAO NA WADAU WA TAASISI ZA FEDHA

Mkuu wa wilaya ya Arumeru leo Julai 18, 2024 amekutana na kufanya kikao na wadau wa Taasisi za Kifedha ikiwa ni maandalizi ya kongamano la vijana na wanawake litakalofanyika Wilaya ya Arumeru hivi karibuni.

Katika kikao hicho Mhe. Kaganda amewaomba wadau hao kushiriki katika kutoa mafunzo ya fursa za mikopo mbalimbali kwa Wanawake, Vijana na Makundi maalum ikiwa ni adhma yake ya kuendelea kuinua uchumi wa Wananchi wa Wilaya ya Arumeru.

"Mhe.Rais Dkt.Samia Suluhu Hassan ametuonyesha njia kutokana na kasi ya maendeleo nchini, hivyo ni jukumu letu sisi wasaidizi wake kuyabeba na kutembea na maono yake kwa kuhakikisha tunawaunganisha Wananchi na Taasisi za Kifedha ili kuweza kupata fursa za kupata mikopo ya riba nafuu ikiwemo ile ya Serikali ya asilimia 10%. Alisema Kaganda

Taasisi zilizoshiriki katika kikao hicho ni pamoja na Benki ya CRDB pamoja na NMB huku wakiahidi ushiriki mzuri katika yale waliyojadili kwenye kikao hicho