FAHAMU MAANA YA SENSA YA WATU NA MAKAZI, 2022

Posted on: August 5th, 2022

Na Elinipa Lupembe.

Maana ya Sensa ya Watu na Makazi

Sensa ya watu na makazi ni utaratibu wa kukusanya, kuchambua, kutathimini na kuchapisha na kusambaza takwimu za kidemographia, kiuchumi na kijamii kuhusiana na watu wote na makazi yao katika nchi kwa kipindi maalum.

Kwa maana nyingine, sensa ni zoezi maalum lenye lengo la kupata idadi ya watu wote katika nchi, kwa umri na jinsia, mahali wanapoishi na hali yao ya elimu, hali ya ajira, hali ya vizazi na vifo na hali ya makazi.

Takwimu hizi za msingi ndiyo zinazoweza kuanisha mahitaji halisi ya wananchi yakiwemo makundi maalum yenye uhitaji maalum kwa mfano, watu wenye ulemavu, wanawake, watoto, vijana na wazee hivyo kurahisisha uandaaji wa sera na mipango ya maendeleo kulingana na uhitaji na mazingira yaliyopo.

"Ewe mkazi wa ARUSHA DC Jiandae kuhesabiwa 23.08.2022" SELEMAN MSUMI DED ARUSHA DC

SHIRIKI SENSA YA WATU NA MAKAZI KWA MAENDELEO !!!

Kazi Inaendelea✍✍