NATAKIWA KUFANYA NINI WAKATI WA SENSA YA WATU NA MAKAZI YA MWAKA 2022..

Posted on: August 9th, 2022

NATAKIWA KUFANYA NINI WAKATI WA SENSA YA WATU NA MAKAZI YA MWAKA 2022.

Unachotakiwa kufanya ni kumpa ushirikiano wa kutosha Karani wa Sensa atakapokutembelea katika kaya kwa kujibu maswali yote atakayokuuliza kwa usahihi.

Aidha, ukiulizwa swali na hujalielewa au hujasikia vizuri, unayo haki ya kumuomba Karani arudie kuuliza au kutoa ufafanuzi ili uweze kutoa jibu sahihi kulingana na swali lilioulizwa.

Ni muhimu kwa Mkuu wa Kaya kuhakikisha anachukua taarifa zote muhimu (kama umri, elimu, jinsi, hali ya ndoa, umiliki wa vitambulisho vya taifa, shughuli za kiuchumi) za watu wote waliolala katika Kaya yeke usiku wa kuamkia siku ya Sensa ili aweze kukumbuka wakati Karani atakapotembelea katika Kaya.

SHIRIKI SENSA YA WATU NA MAKAZI 2022

JIANDAE KUHESABIWA 23.08.2022