RC MAKONDA AKUTANA NA WAZIRI MBARAWA, RELI YA KASKAZINI KUBORESHWA ILI KUIMARISHA UTALII

Posted on: January 8th, 2025

RC MAKONDA AKUTANA NA WAZIRI MBARAWA, RELI YA KASKAZINI KUBORESHWA ILI KUIMARISHA UTALII.

Mkuu wa Mkoa wa Arusha Mhe. Paul Christian Makonda leo Jumatano Januari 08, 2024 amekutana na kuzungumza na Waziri wa Uchukuzi, Mhe. Prof. Makame Mnyaa Mbarawa ambapo Waziri Mbarawa ameridhia ombi la Mhe. Makonda la kuboresha reli ya Kaskazini (Tanga-Arusha) katika kuboresha huduma za Utalii Mkoani Arusha kwa kupunguza foleni.

Katika mazungumzo yao, Mhe. Makonda mbali ya kusema kuwa sekta ya uchukuzi ni muhimu kwenye kukuza na kuimarisha utalii Mkoani Arusha, amesema kuboreshwa reli hiyo pamoja na kujengwa kwa bandari kavu Mkoani Arusha kutaondoa wingi wa malori ya mizigo barabarani pamoja na kusaidia katika matunzo ya barabara katika kuzisaidia kudumu muda mrefu zaidi.
Kulingana na Mhe. Mbarawa, Arusha ni Mkoa muhimu kwa Utalii na uchukuzi ukiwa wa tatu kwa miruko ya ndege nchini Tanzania, akiahidi kuendelea kushirikiana na serikali ya Mkoa katika kufanikisha utekelezaji wa ilani ya Chama Cha Mapinduzi CCM ikiwemo kusimamia maboresho ya uwanja wa ndege wa Arusha, unaotarajiwa kuanza kufungwa taa hivi karibuni ambapo Serikali ya Rais Dkt. Samia Suluhu Hassan tayari imeshatenga Bilioni 11 za kufunga taa kwenye uwanja huo wa ndege Arusha.

emmanulimrema

Mkuu wetu wamkoa atuna mengi zaidi yakukuombea kwamungu. Pamoja narais wetu wa jamhuri ya muungano wa tanzania Samia suluhu Hassan kutuletea maendeleo tuliokua tukiyaona mikoa mingine Leo hii Sasa nikwetu Wana arusha .tulinde miundombinu ya serikali kwa pamoja tusiangushe juhudi na maono ya viongozi wetu.

4w

See translation
fanuelsimon45

Jamaa ana nyota ya ukuu yaani mawaziri na viongozi wa juu kila siku wako Arusha sio kawaida na hawafanyi mkoa mwingine kama alipo Makonda, jamaa una nyota ya ukuu