TANGAZO KWA WANANCHI WOTE KUHUDHURIA MKUTANO WA BARAZA LA MADIWANI WA ROBO YA PILI 2O20/2021 28.01.2021

Posted on: January 28th, 2021

Halmashauri ya Arusha inategemea kufanya Mkutano wa kawaida wa Baraza la Madiwani (Full Council) wa robo ya pili mwaka wa fedha 2020/2021, kwa kipindi cha kuanzia Oktoba mpaka Desemba 2020. Mkutano huo utakaofanyika tarehe 29.01.2021 kwenye Ukumbi wa Mikutano wa Halmashauri hiyo, kuanzia saa 03:00 asubuhi.

Mkutano huo wa baraza la Madiwani utakuwa na ajenda 10, huku agenda kuu  zikiwa ni pamoja na Maswali ya papo kwa papo, Kujadili taarifa ya Mapato na Matumizi, Taarifa za utekelezaji wa Miradi ya Maendeleo, Kupitisha Wajumbe wa Kamati ya Mfuko wa Uhamasishaji wa Maendeleo ya Jimbo, Kuteua Madiwani wawakilishi wa Baraza La Mamlaka ya Mji Mdogo Ngaramtoni, pamoja na kujadili Masuala ya kiutumishi.

Mkutano huo ni wa kawaida kwa mujibu wa Sheria, Kanuni na Taratibu  za Serikali za Mitaa. Mkutano Baraza la Madiwani ni Mkutano wa wazi, hivyo wananchi wote wa Halmashauri ya Arusha wanatakiwa kuhudhuria, ili kufuatilia kwa uwazi shughuli za utekelezaji wa Maendeleo zilizotekelezwa katika Halmashauri yao kwa kipindi cha miezi mitatu na robo ya pili,  mwaka wa fedha 2020/2021.