TANGAZO LA NAFASI ZA KAZI HALMASHAURI YA ARUSHA

Posted on: May 29th, 2020

Mkurugenzi Mtendaji wa Halmashauri ya Wilaya ya Arusha, anapenda kuwatangazia Watanzania wote wenye sifa zinazohitajika na wenye nia ya kufanya kazi katika Halmashauri ya Wilaya ya Arusha kuomba kujaza nafasi wazi za kazi kupitia kibali Kumb.Na. FA.170/371/01/104   cha tarehe 30 April ,2020 kilichoidhinisha nafasi mbalimbali za kazi kama ifuatavyo:

KATIBU MAHSUSI  DARAJA  III ( NAFASI 2)

SIFA ZA MWOMBAJI

Kuajiriwa wahitimu wa kidato cha IV waliohudhuria mafunzo ya Uhazili na kufaulu mtihani wa hatua ya tatu.

Awe amefaulu somo la hati mkato ya Kiswahili na Kiingereza maneno 80 kwa dakika moja.

Awe amepata mafunzo ya kompyuta kutoka chuo chochote kinachotambuliwa na Serikali na kupata cheti katika progam za Windows, Microsoft Office, Excel, Internet, Email na Publisher.

  1.2 NGAZI YA MSHAHARA

 Cheo cha Katibu Mahsusi Daraja III kina ngazi ya mshahara wa TGS B1.

.1Kazi  na majukumu ya Katibu Mahsusi Daraja III

Kuchapa barua, taarifa na nyaraka za kawaida.

Kusaidia kupokea wageni na kuwasiili shida zao, na kuwaelekeza sehemu wanapoweza kushughulikiwa.

 Kusaidia kutunza taarifa/ kumbukumbu za matukio, miadi, wageni, tarehe za vikao, safari za mkuu wake na ratiba ya kazi zingine zilizopangwa kutekelezwa katika ofisi anamofanyia kazi, na kumuarifu  mkuu wake kwa wakati unaohitajika.

Kusaidia kutafuta na  kumpatia mkuu wake majalada, nyaraka, au kitu chochote kinachohitajika katika shughuli za kazi hapo ofisini.

Kusaidia kufikisha maelekezo ya mkuu wake wa kazi kwa wasaidizi wake pia kumuarifu kuhusu taarifa zozote anazokuwa amepewa na wasaidizi hao.

Kusaidia kupokea majalada, kuyagawa kwa maofisa walio katika sehemu alipo, kukusanya, kuyatunza na kuyarudisha sehemu zinazohusika.

Kutekeleza kazi zozote atakazokuwa amepangiwa na msimamizi wake wa kazi.

MSAIDIZI  WA KUMBUKUMU DARAJA II ( NAFASI 2)

SIFA ZA MWOMBAJI

Mwombaji awe amehitimu kidato cha  IV au VI  

Awe ametunukiwa cheti (NTA Level 5) cha utunzaji kumbukumbu katika moja ya fani za Afya, Masijala, Mahakama na Ardhi.

NGAZI YA MSHAHARA

Cheo cha Katibu Mahsusi Daraja III kina ngazi ya mshahara wa TGS B1.

2.3 KAZI NA MAJUKUMU YA MSAIDIZI WA KUMBUKUMU DARAJA III

Kutafuta kumbukumbu/ nyaraka / mafaili yanayohitajika na wasomaji.

Kudhibiti upokeaji , uandikishaji wa kumbukumbu / nyaraka.

Kuchambua, kuorodhesha na kupanga kumbukumbu,nyaraka katika makundi kulingana na somo husika ( classification and boxing)  kwa ajili ya matumizi ya ofisi.

Kuweka/ kupanga kumbukumbu/ nyaraka katika reki (file racks / cabinets) katika masijala/ vyumba vya kuhifadhia kumbukumbu.

 Kuweka kumbukumbu (barua / nyaraka n.k) katika mafaili.

Kushughulikia maombi ya kumbukumbu / nyaraka kutoka Taasisi za Serikali.

3. MASHARTI YA JUMLA KWA NAFASI ZOTE

Waombaji wote  wawe ni  Raia wa Tanzania na mwenye umri usiozidi miaka 45.

Waombaji  waambatanishe  wasifu (C.V) wenye anuani sahihi, namba za simu sahihi, pamoja na majina matatu ya wadhamini na namba za simu zinazopatikana.

Testimonial “provisional Result” Statement of Result, hati ya matokeo ya kidato cha nne/Sita HAVIKUBALIKI.

Waombaji waliosoma nje ya nchi wahakikishe vyeti vyao vimehakikiwa na kuidhinishwa na TCU au NECTA.

Watumishi waliostaafishwa kazi Serikalini  kwa namna moja au nyingine hawaruhusiwi kuomba isipokuwa kama wana kibali cha mamlaka stahiki.

Waombaji waambatanishe nakala za vyeti vifuatavyo:

Cheti cha kuzaliwa

Cheti cha kuhitimu elimu ya Kidato cha nne (IV) na Sita (VI) kwa wale waliofika kiwango hicho.

Cheti cha taaluma na mafunzo mbalimbali.

Passport size 1

Mwisho wa kutuma maombi  ni tarehe 10/06/2020                                                                                                                                                                                                              

Maombi yatakayowasilishwa  nje ya utaratibu ulioainishwa katika tangazo hili “HAYATAFIKIRIWA”.

MAOMBI YOTE YATUMWE KWA NJIA YA POSTA  KATIKA ANUANI IFUATAYO:

MKURUGENZI MTENDAJI,

HALMASHAURI YA WILAYA YA ARUSHA,

S.L.P 2330,

ARUSHA.