WAJUMBE WA KAMATI YA FEDHA HALMASHAURI YA WILAYA YA ARUSHA WAKAGUA MIRADI YA MAENDELEO

Posted on: January 21st, 2025

Wajumbe wa Kamati ya Fedha Halmashauri ya Wilaya Arusha wakiongozwa M/Kiti Dkt.Ojung'u Salekwa (mwenye shati jeupe) wakitembelea na kukagua ujenzi wa Shule mpya ya Sekondari Loovirukunyi iliyopo Kata ya Kisongo. Majengo ya shule hiyo yamegharimu shilingi 584,000,000 za Kitanzania chini ya mradi wa SEQUIP.

Kamati hiyo imeridhishwa na shughuli za ujenzi huo na kuwapongeza Wataalam wa Halmashauri kwa usimamizi madhubuti wa fedha za Serikali na kwa sasa shule hiyo imeshaanza kupokea wanafunzi wa Kidato cha kwanza kwa mwaka 2025.

Ujenzi wa shule hiyo mpya ya sekondari Loovirukunyi imekuwa mkombozi kwa watoto waliokuwa wakitembea umbali mrefu kufuata masomo hususan wa Kata za Kisongo na Matevez na kupunguza msongamano kwa shule ya Sekondari Einiot iliyopo Kata ya Kisongo.