YALIYOJIRI KWENYE HAFLA YA UTIAJI SAINI WA UUNDWAJI WA MELI MPYA NA UJENZI WA CHELEZO, MWANZA

Posted on: September 3rd, 2018

******RAIS DKT. JOHN POMBE MAGUFULI*

#Nimefurahishwa sana na hatua hii ya utiaji saini wa ujenzi wa meli mpya na ukarabati wa meli zilizokuwepo, dhumuni ni kuboresha huduma ya usafiri katika Ziwa Victoria.

#Ukarabati wa meli 2 za Mv Butiama na Mv Victoria utagharimu Shilingi Bilioni 27.61, tumeamua kufanya ukarabati mkubwa.

#Meli ya Mv Liemba iliyopo mkoani Kigoma nayo tumepanga kuikarabati.

#Tunatekeleza miradi hii yote kwa manufaa ya watanzania wote, tumeamua na hatutarudi nyuma, watanzania tunaweza.

#Tusikwepe kodi ndugu zangu watanzania, kodi ni msingi wa maendeleo ya Tanzania.

**** MHANDISI ISACK KAMWELWE-WAZIRI WA UJENZI, UCHUKUZI NA MAWASILIANO*

#Utekelezaji wa miradi hii ni juhudi zako Mhe. Rais Magufuli, za kuhakikisha unasimamia vyema makusanyo ya fedha za watanzania.

#Tunakushukuru Mhe. Rais Magufuli kwa kutoa fedha ambapo mpaka sasa tumeshakarabati meli tano.

#Maziwa tunayo tunapaswa kuyatumia kuhakikisha tunafikia uchumi wa kati.

*****SONG GEUM YONG- BALOZI WA KOREA KUSINI NCHINI*

#Nawapongeza wahusika wote kwa kusaini mkataba wa utekelezaji wa ujenzi wa meli mpya na chelezo.

#Maendeleo haya yote yanatokana na juhudi kubwa zinazofanywa na watanzania wakiongozwa na Rais Dkt. John Magufuli

#Tanzania na Korea Kusini ni wabia wazuri sana katika masuala ya maendeleo hasa baada ya Tanzania kufungua ubalozi nchini Korea.

****ERICK HAMISI- KAIMU MENEJA MKUU- KAMPUNI YA HUDUMA ZA MELI*

#Ujenzi wa meli hii ya kisasa katika Ziwa Victoria utagharimu shilingi bilioni 88.76 na itakuwa na uwezo wa kubeba tani 400 za mizigo, abiria 1200 na magari madogo 20.

#Meli hii itakuwa kubwa kuliko zote za Ukanda wa Maziwa Makuu, itakuwa na urefu wa mita 90 na kimo cha mita 10.9 sawa na ghorofa 3 kwenda juu.

#Ujenzi wa meli hii utakamilika katika kipindi cha miezi 24.

#Ujenzi wa meli hii mpya utaajiri watanzania si chini ya 250.

#Pia tutasaini mkataba wa ujenzi wa chelezo (slipway) itakayotumika kujenga meli mpya katika Ziwa Victoria, chelezo hii ikikamilika itakuwa na uwezo wa kubeba meli yenye uzito wa tani 4000.

#Chelezo hii itakuwa na urefu wa mita 100, ujenzi wake utagharimu shilingi bilioni 35.99 na unatarajiwa kukamilika ndani ya miezi 12.

****MHE. SELEMANI KAKOSO(Mb)-MWENYEKITI WA KAMATI YA KUDUMU YA BUNGE MIUNDOMBINU*

#Tunaahidi kamati itakuwa pamoja nawe katika jitihada hizi za utekelezaji wa miradi mikubwa ya maendeleo.

*Imeandaliwa na Idara ya Habari-MAELEZO*