Haya hapa Maazimio ya DC Muro na Wafanyabiashara Arusha DC

Posted on: June 22nd, 2019

Na. Elinipa Lupembe.

# Kuzitaka Taasisi na Mamlaka zinazohusika na Wafanyabiashara za OSHA, TBS na TFDA, kutoa taarifa kwenye Ofisi ya Mkuu wa Wilaya ya Arumeru,  wakati wanapotaka kufanya shughuli zao ndani ya wilaya, ili  kushirikiana ofisi hiyo na kuondoa sintofahamu zinazojitokeza baina ya wafanya biashara na mamlaka hizo.

#Kushughulikia na kuona namna ya kuwapunguzia wafanyabiashara tozo, zinazotozwa na halmashauri na OSHA, tozo ambazo, zinaonekana kutozwa kwa huduma zinazofanana na kutafuta uwezekano wa kubakiza tozo moja kati ya hizo.

#Kufuatilia na kuzitafutia ufumbuzi tozo na ushuru, zinazotozwa na Mamlaka za TBS, OSHA na TFDA, ikiwezekana ziwekwa kwenye 'package' moja, ili kuwapunguzia wafanyabiashara mzigo wa tozo.

#Kuwaunganisha wafanya biashara wote wa Arumeru na Baraza la Biashara na kupata fursa ya kuwakutanisha na Wawekezaji  na kutafuta masoko ya bidhaa zao.

#Wafanya biashara  wamehimizwa, kushiriki, kwenye maonesho ya NANENANE 2019, kupitia mabanda ya Arusha DC na Meru DC, yaliyopo kwenye Viwanja vya NANENANE Njiro.

#Kukutana na kufanya Vikao na  wafanyabiashara mara mbili kwa mwaka, na hatimaye kukubaliana kikao kijacho,  kifanyike tarehe 30.11.2019.