WAZEE WAPIMWA AFYA BURE SIKU YA WAZEE DUNIANI 2023; WATAKIWA KUJENGA TABIA YA KUPIMA MARA KWA MARA

Posted on: October 6th, 2023

Na Elinipa Lupembe

Wazee halmashauri ya Arusha wakipima afya zao kwa magonjwa yasiyoambukiza wakati wa Maadhimisho ya Siku ya Wazee Duniani 2023 kiwilaya yaliyofanyika kijiji cha Nduruma kata ya Nduruma

Katika maadhimisho hayo wazee walipata huduma za kupima afya bure kwa magonjwa yasiyoambukiza ikiwemo pressure, kisukari na uzito, huku wakihamasihwa kupima magonjwa hayo mara kwa mara.

Mganga Mkuu wa halmashauri ya Arusha Dkt. Petro Mboya amesema kuwa ni muhimu wazee kupima afya zao mara kwa mara kiwemo magonjwa yasiyoambukiza ambayo yanawashambulia wazee kutokana na kinga za mwili kupungua, kwa kufanya hivyo kutawawezesha kuishi kulingana na hali za afya zao,

Hata hivyo Dkt. Mboya amewasisitiza wazee hao kuzingatia matumizi ya lishe bora kwa wazee kwa kula mlo kamili zaidi mbogamboga na matunda na kupunguza vyakula vya wanga, huku wakizingatia kuushughulisha mwili kwa kufanya kazi na mazoezi madogomadogo  kama kutembea na sio kukaa na kulala

Awali Maadhimisho ya Siku ya Wazee yana lenga kuhamasisha jamii kuongeza uelewa wa juu ya masuala yanayohusu uzee na kuzeeka ikiwemo haki zao na upatikanaji wa huduma muhimu kwa wakati.

Kauli mbiu:"Udhibiti wa Wazee kwenye Dunia yenye mabadiliko"

ARUSHA DC NI YETU, TUSHIRIKIANE KUIJENGA