Alichozungumza DC wa Arumeru Mhe. Jerry Muro kwenye Mkutano wa Baraza la Madiwani Arusha DC.

Posted on: August 11th, 2018

# Ameahidi kuanza na kushughulikia migogoro ya ardhi inayowakabili wananchi na kuwataka Madiwani hao, kuungana na Serikali ya awamu ya tano, kutatua migogoro ya ardhi huki akiwaonya kutokujihusisha na migogoro hiyo kwa maslahi yao binafasi kulingana na nafasi zao katika jamii.

# Amewataka Madiwani kubuni vyanzo vipya vya mapato pamoja na kushiriki  kusimamimia ukusanyaji wa mapato katika maeneo yao,  ili kuongeza kiwango cha ukusanyaji katika halmashauri hiyo.

# Amethibitisha kuwa ikiwa kutakuwa na usimamizi imara wa ukusanyaji wa mapato, kupitia vyanzo vya mapato vilivyo na kubuni vyanzo vingine vipya, halmashauri ya Arusha, inaweza kukusanya mapato zaidi  na kuweza kufiisha kiasi cha shilingi billion kumi kwa mwaka.

#Endapo madiwani hawatashiriki katika usimamizi thabiti waukusanyaji wa mapato, ni dhahiri halmashauri italazimika kutolipa posho za madiwani hao pamoja na kuvunjwa kwa baraza la madiwani kutokana na wao kushindwa kutekeleza majukumu yao.

# Amewataka Madiwani kufanya kazi ya kuwatumikia wananchi, kwa weledi kwa kuzingatia kanuni, sheria na taratibu huku wakiendelea kutekeleza Ilani ya Chama tawala Chama kilichopo madarakani, Chama cha Mapinduzi.

# Ameagiza Idara ya Maendeleo ya Jamii kumpatia, taarifa ya mwenendo wa utoaji mikopo ya wanawake na vijana, mikopo ya asilimia kumi ya mapato ya ndani  kwa kipindi cha miaka mitano ya nyuma kuanzia sasa, ili kuona vikundi ambavyo vilipatiwa mikopo hiyo huku akisisitiza utoaji wa mikopo hiyo kila baada ya makusanyo.