JHPIGO TANZANIA YAIMARISHA MRADI WA TCI-TUPANGE PAMOJA ARUSHA DC

Posted on: September 2nd, 2020

Na. Elinipa Lupembe. 

     Mkurugenzi mtendaji halmashauri ya Arusha, Saad Mtambule, amekutana na timu ya watalamu watekelezaji wa mradi wa TCI- Tupange Pamoja, mradi unaotekelezwa na halmashauri hiyo kwa kushirikiana na  shirika la Jhpiego, kwa ufadhili wa mfuko wa Bill&Melinda Gate la nchini Marekani, kuweka mpango mkakati wa kuimarisha utekelezaji wa mradi huo kwa ufanisi zaidi.
       Watalamu hao wamekuatana kupanga mikakati ya kuanza rasmi uboreshaji wa utekelezaji wa mradi huo, kwa mwaka huu mpya wa fedha ulioanza Julai 2020 mpaka Juni 2021, mradi unaojikita kwenye kueleimisha jamii juu ya Afya ya Uzazi kwa vijana, Huduma rafiki kwa Vijana pamoja na Uzazi wa Mpango kwa jamii, lengo likiwa kuondosha ndoa n mimba za utotoni.
      Mkurugenzi Mtambule, amewataka watalamu hao kuhakikisha wanatoa elimu na huduma bora kwa jamii, hasa kwa vijana, ambao wako kwenye athari kubwa, ya kujiingiza kwenye masuala ya uzazi katika umri mdogo na ndoa za utoto, zinazosababisha wengi kukatisha masomo, na kushindwa kutimiza ndoto zao.
     "Kama watalamu tuna jukumu kubwa la kutekeleza mradi huu, ili kufikia malengo ya serikali, ya kuhakikisha vijana wanasoma kwa bidhii bila kukatishwa masomo yao kutokana na mimba na ndoa za utotoni, elimu bila mlipo inatekeleza kwa kila mtoto wa kitanzania kupata elimu" amesema Mkurugenzi Mtambule
   Ameongeza kuwa watalamu wanalo jukumu  kubwa la kuhakikisha vijana wanapata elimu ya Afya ya Uzazi, elimu ambayo itawafungua ufahamu na kuwawezesha kujitambua, kujithamini, kutambua nafasi  waliyonayo pamoja na majukumu yao katika jamii, huku wakijandaa kuwa na familia bora na Taifa imara lenye watu wenye afya bora.
   Naye Mratibu wa Mradi TCI-TUPANGE PAMOJA mkoa wa Arusha, Waziri Njau licha ya kuushukuru na kuupongeza uongozi wa halmashauri ya Arusha chini ya mkurugenzi  mtendaji,ameweka wazi kuwa halmashauri ya Arusha ni miongoni mwa halamshauri zinazofanya vizuri katika utekelezaji wa mradi huo na kuwataka watalamu kuongeza kasi ili kuwafikia vijana wengi zaidi lengo likiwa kuondoa mimba na ndoa za utotoni.
        "Vijana wana ndoto zao nyingi ambazo wanahitaji kuzitimiza,  mimba na ndoa za utotoni zinakatisha ndoto za vijana wengi, hivyo ni wajibu wetu kuhakikisha vijana wanatimiza ndoto zao"amesisitiza Njau
      Awali mradi huo wa TCI - TUPANGE PAMOJA, umetekelezwa katika halmashauri ya Arusha, kwa miaka miwili mfululizo na kuanza rasmi mwka wa tatu sasa, mara baada ya kufanya vizuri kwa miaka miwili iliyopita.