KAMATI YA SIASA ARUMERU YARIDHISHWA NA UTEKELEZAJI WA ILANI YA CCM ARUSHA DC

Posted on: February 3rd, 2020

Na. Elinipa Lupembe.

Wajumbe wa Kamati ya Siasa, wilaya ya kichama ya Arumeru, wameipongeza halmashauri ya Arusha kwa utekelezaji wa miradi ya maendeleo, walipofanya ziara ya kukagua miradi katika Tarafa ya Moshono,  ikiwa ni ukaguzi wa utekelezaji wa Ilani ya Chama Cha Mapinduzi CCM.

Wajumbe hao, wameonyesha wazi kuridhishwa na ubora wa miradi waliyoikagua, na kuthibitisha mapinduzi  makubwa ya kimaendeleo yaliyofanyika hasa katika maeneo ya vijijini, kwa kipindi kifupi cha miaka minne ya serikali ya awamu ya tano, inayoongizwa na Rais Dkt. John Pombe Magufuli.

Mwenyekiti wa Chama cha Mapinduzi, wilaya ya kichama ya Arumeru, Simon Ole Saning'o, amekiri mapinduzi hayo makubwa ya kimaendeo, yanayoonekana wazi kupitia utekelezaji wa kasi wa miradi ya Maendeleo kisekta.

Saning'o amekiri kuwa, mpaka sasa, Serikali ya awamu ya tano, imetekeleza Ilani ya CCM kwa zaidi ya asilimia 90, ikiwaa imejikita zaidi kutekeleza miradi mikubwa katika sekta za Elimu, Afya, Maji, Umeme, pamoja na Miundombinu ya barabara. "Rais Magufuli, ilipoingia madarakani, alikabidhiwa ilani ya CCM, iliyojikita kwenye kuendeleza sekta ya Elimu, Afya, Maji, Miundombinu ya barabara, Umeme na Kilimo, kwa kipindi kifupi cha miaka minne, Serikali  imefanya mapinduzi makubwa, katika utekelezaji wa Ilani, tofauti na vipindi vilivyopita. Amesema Mwenyekiti Saning'o"

Miradi iliyokaguliwa ni pamoja na mradi wa ujenzi wa vyumba vinne vya madarasa, shule ta sekondari sokoni II, uliogharimu shilingi milioni 190 kupitia ubalozi wa Japan,  ujenzi wa maktaba na ukarabati wa  bwalo sekondari Mlangarini milioni 140 fedha za EP4R , ujenzi wa darasa shule ya sekondari Olokii kwa nguvu za wananchi , ujenzi wa Kituo cha Afya Nduruma milioni 500 Serikali Kuu, ujenzi wa vyumba vya madarasa na vyoo shule ya Msingi Lameloku milioni 60 fedha za Miradi ya TASAF

Ziara hiyo ilimalizika kwa wajumbe hao wa kamati, kuzungumza na wananchi wa Kata ya Bwawani katika mkutano wa hadhara, uliofanyika kijiji cha Lameloku na kufanikiwa kujadili mikakati na changamoto mbalimbali zinazokabili utekelezaji wa miradi ya maendeleo katika kata yao, huku kamati hiyo ikiwapongeza wananchi kwa kushiriki kwa vitendo, kuunga mkono juhudi

Mtalamu wa maabara  kituo cha Afya Nduruma, akitoa maelezo mbele ya wajumbe wa kamati ya Siasa wilaya ya Arumeru, kushoto ni Mwenyekiti wa CCM wilaya ta Arumeru na kulia ni Mkuu wa Wliaya ya Arumeru mhe. Jerry Muro, kwa pamoja wakimsikiliza mtalamu wa Maabara

Wajumbe wa Kamati ya Siasa wilaya ya Kichama Arumeru, wakizungumza na mganga Mfawidi kituo cha Afya Nduruma, wakati wa ziara ya kukagua miradi ya maendeleo, halmashauri ya Arusha.

Vifaa vya maabara kituo cha Afya Nduruma

Jengo la Maktaba shule ya sekondari Mlangarini

Vitabu vilivyopangwa kwenye Maktaba shule ya sekondari Mlangarini