MAAFISA WATENDAJI VIJIJI 3 VYA KATA YA LAROI WASAINI MKATABA WA LISHE...

Posted on: November 12th, 2022

Na Elinipa Lupembe

Maafisa Watendaji wa vijiji vitatu vya kata ya Laroi, wakisaini mkataba wa Lishe, tayari kwa kwenda kuutekeleza kwenye vijiji vyao.

Maafisa watendaji hao wamesainishwa  mkataba huo na Afisa Mtendaji wa  kata ya Laroi , Mneji Bugwema na kuwataka kwenda kuutekeleza kwenye vijiji vyao kwa kuzingatia vigezo tisa vya kitaifa vilivyoelekezwa

Bugwema amefafanua kuwa, mkataba huo una lengo la kufanikisha suala la kuboresha hali ya lishe na kupunguza athari za utapiamlo kwa kuhakikisha jamii inashiriki ipasavyo kupanga, kutekeleza na kufuatilia maendeleo ya utekelezaji wa mpango wa halmashauri wa afua za lishe.

Maafisa watendaji wa vijiji hivyo vitatu wamekiri kupokea maelekezo yote yaliyoainishwa na wanakwenda kuufanyia kazi kwa kuzingatia vigezo vilivyoainishwa kwa kushirikiana na maafisa afya ngazi ya jamii katika maeneo yao.

Aidha mkataba wa lishe unawataka Maafisa Watendaji wa Kata kuhakikisha wanashirikiana na  Maafisa Watendaji vijiji, kufanya kazi hiyo pamoja na kufanya tathmini na kutoa ripoti ya utekelezaji kwa kila mwezi.

"Lishe duni inasababisha umasikini katika Taifa kwani hakutakuwa na Jamii inayoweza kujituma kwa kufanya kazi kutokana na watu wengi  kuathiriwa na utapiamlo, viongozi wenzangu tupambane kutokomeza utapiamlo katika maeneo yetu".

ARUSHA DC 

KaziIendelee✍

PICHA ZA WATEDNAJI WAKISAINI MKATABA WA LISHE