MAAFISA WATENDAJI WA KATA 27 ARUSHA DC APATIWA MAFUNZO YA MFUMO WA MALIPO YA SERIKALI (FFARS)

Posted on: August 22nd, 2023

Awamu ya pili ya mafunzo ya mfumo wa malipo ya  Serikali 'Financial Accounting and Reporting System' (FFARS) kwa Maafisa Watendaji wa Vijiji 35 kati ya vijiji 69  halmashauri ya Arusha yamekamilika rasmi kwa kupatiwa mafunzo kwa awamu mbili tofauti.

Mafunzo hayo ambayo ni maalumu kwa watumishi wa Umma ambao ni wasimamizi wa fedha za Umma katika vituo vyao vya kazi, ikiwemo Wahasibu  kwenye Hospitali, vituo vya afya, zahanati, walimu wa fedha shule za msingi na sekondari pamoja maafisa watendaji wa vijiji na kata

Hata hivyo Maafisa watendaji hao, wametakiwa kuhakikisha wanatumia vema mfumo wa malipo ya Serikali (FFARS) ili kufikia lengo la serikali la matumizi sahihi na salama ya fedha za Umma, na kuhakikisha wanafanya matumizi yanayozingatia taratibu.

Naye mratibu na mwezeshaji wa Mafunzo ya Mfumo huo wa FFARS halmashauri ya Arusha, Joseph Chenya, amesema kuwa mafunzo hayo ni muhimu kwa watumishi wote wa Umma, wanaohusika na mifumo ya mapato na matumizi ya fedha za serikali,  ili kuwapa furasa kupata uelewa wa pamoja wa kuufahamu vizuri mfumo, pamoja na matumizi sahihi ya mfumo huo na fedha za Umma.

"Mfumo huu pia utawezesha matumizi ya fedha kulingana na bajeti iliyopitishwa, upatikanaji rahisi wa taarifa mbalimbali kutoka kwenye vituo vya kutolea huduma ikiwemo taarifa za mapato ya kila mwezi, hivyo mkiutumia vizuri mfumo huu, utawarahisishia kazi na kutuondelea hoja za ukaguzi zisizo za lazima" Amesema Chenya

Ameongeza kuwa FFARS imeunganishwa na mifumo mingine ya Serikali ikiwemo mfumo wa PlanRep  unaoandaa na kutoa taarifa za utekelezaji wa bajeti pamoja na kuonesha mapokezi ya fedha na fedha zilizoingia kwenye akaunti za vituo na vijiji husika.

Aidha Mratibu huyo amefafanua kuwa, halmashauri ina jumla ya vijiji 67 hivyo watendaji wa vijiji watapewa mafunzo kwa makundi mawili ili waweze kufikiwa wote na kuoata uelewa wa pamoja kwa kuufahamu mfumo vizuri na  matumizi sahihi ya mfumo huo.

ARUSHA DC NI YETU, TUSHIRIKIANE KUIJENGA

PICHA