MAWAKALA WA VYAMA VYA SIASA WAAPA KIAPO CHA UTII NA UADILIFU

Posted on: May 11th, 2025

Mawakala wa vyama vya Siasa wa Jimbo la Arumeru Magharibi wamekula kiapo cha uadilifu katika majukumu yao kuelekea uchaguzi Mkuu wa Mwaka 2025.

Mawakala hao wamekula kiapo mbele ya Mwanasheria wa Halmashauri ya Wilaya ya Arusha Edna Lukuta hii leo Mei 11,2024 katika shule ya Sekondari Mringa Kwa Kanda ya Ngaramtoni na Kanda ya Mlangarini.

Afisa uchaguzi wa Jimbo la Arumeru Magharibi Ndugu Priscus Silayo akiwataka Mawakala hao kusimamia kiapo chao kwa kutunza siri na uadilifu.

Pia Afisa Mwandikishaji Msaidizi Jimbo la Arumeru Magharibi Ndg Allen Kitutu amesema kiapo hicho kitasaidia kupunguza malalamiko kwa vyama vya siasa hasa katika zoezi la kujiandikisha katika daftari la wapiga kura hivyo mawakala hao watasaidia kutambua wakazi wa maeneo yao husika katika uandikishaji.

Nao Mawakala hao wameahidi kwenda kusimamia kiapo hicho kwa kutenda haki katika zoezi la kujiandikisha kwenye daftari la wapiga kura ambalo linaanza rasmi Mei 16, na kukamilika 22 ,2025 ,

Afisa Uchaguzi Priscus Silayo amewataka wananchi kujitokeza kwa wingi ili kushiriki zoezi hilo na waweze kushiriki uchaguzi Mkuu kwa kuchagua viongozi bora na wanaotaka.