MOSSES GIVAS MOLLEL AIBUKA MKULIMA BORA HALMASHAURI YA WILAYA YA ARUSHA

Posted on: August 8th, 2025

Katika kilele cha maadhimisho ya Sikukuu ya Wakulima (Nanenane) yaliyofanyika katika Viwanja vya Themi Njiro, Arusha, Leo Tarehe 08 Agosti 2025, Bw. Mosses Givas Mollel ameibuka mshindi wa tuzo ya Mkulima Bora wa Halmashauri ya Wilaya ya Arusha. Ushindi huo umetokana na juhudi zake katika kutumia mbinu bora za kilimo na kuongeza tija kwa mazao anayolima.

Bw. Mollel alikaidhiwa zawadi ya hundi yenye thamani ya shilingi 600,000/= pamoja na cheti cha kutambua mchango wake katika maendeleo ya sekta ya kilimo. Tuzo hiyo inalenga kuhamasisha wakulima wengine kuiga mfano wake katika kuongeza ubunifu na uzalishaji.

Zawadi hizo zilikabidhiwa na mgeni rasmi wa maadhimisho hayo, Mhe. Nurdin Hassan Babu, Mkuu wa Mkoa wa Kilimanjaro, ambaye alisifu jitihada za Bw. Mollel na kuwataka wakulima kote nchini kuendelea kushirikiana na wataalamu wa kilimo ili kuongeza tija na kuinua kipato cha kaya.