MSIMAMIZI WA UCHAGUZI ARUMERU MAGHARIBI, AMKABIDHI FOMU ZA UTEUZI WA UBUNGE MTEULE WA CHAMA CHA NCCR - MAGEUZI

Posted on: August 21st, 2020

Na. Elinipa Lupembe.

      Msimamizi wa Uchaguzi  Jimbo la Arumeru Magharibi Saad Mtambule , amemkabidhi fomu za Uteuzi wa Ubunge Jimbo la Arumeru Magharibi , Mchungaji Wilson Loilole Laiser  kupitia chama cha NCCR- MAGEUZI.

        Mchungaji Wilson Laiser, kupitia Chama cha NCCR - Mageuzi , aliwasili majira ya saa 05:50 asubuhi, kwenye Ofisi ya Msimamizi wa Uchaguzi  Jimbo, eneo la Sekei,  akiwa ameambatana na Mwenyekiti  na Katibu wa Chama hicho wilaya ya Arumeru pamoja na wajumbe wengine wa chama hicho,  na kukabidhiwa fomu hizo za Uteuzi mnamo saa 12:12 mchana, akiwa ni mteule wa chama cha ANCCR -MAGEUZI kuwania nafasi ya Ubunge wa  Jimbo hilo.

       Aidha Msimamizi huyo wa Uchaguzi, alimkabidhi fomu ya Uteuzi mgombea huyo,  kufuatia Maelekezo ya  Fomuya Uteuzi Na. 8B,  kwa mujibu wa Kifungu cha 38 (3) na (4) cha Sheria ya Taifa ya Uchaguzi sura ya 343 ikiweka wazi mambo yaliyojumuishwa kwenye fomu ya Uteuzi.

       Msimamizi Mtambule amemtaka mteule huyo, kusoma maelekezo yaliyotolewa na Tume ya Taifa Ya Uchaguzi, kuheshimu na kufuata taratibu za Uchaguzi kwa kusoma vitini vyenye maelekezo ya taratibu zote za uchaguzi mkuu.

        Aidha amemtaka na kufanya kampeni za kistaarabu, muda utakapofika, lengo ni kufanya uchaguzi wa amani, huru na haki kwa maendeleo ya watanzania wote.

      Mgombea huyo  amefanya kufikisha idadi ya Wagombea kumi na moja, kutoka vyama kumi na moja vya siasa, kuchukua fomu ya Uteuzi, Ubunge wa Jimbo la Arumeru Magharibi.

*PICHA ZA MATUKIO*