MSIMAMIZI WA UCHAGUZI JIMBO LA ARUMERU MAGHARIBI AMEMKABIDHI FOMU ZA UTEUZI WA UBUNGE MTEULE WA CHAMA CHA SAU

Posted on: August 14th, 2020

Na. Elinipa Lupembe.

    Msimamizi wa Uchaguzi Jimbo la Arumeru Magharibi, Saad Mtambule amemkabidhi fomu za Uteuzi wa Ubunge Jimbo la Arumeru Magharibi  wateule wawili,  Bw. Elias Fatael Chonjo, kupitia Chama cha Sauti ya Umma - SAU.

        Mgombea huyo aliwasili wa Chama cha SAU, kwenye Ofisi ya Msimamizi wa Uchaguzi  Jimbo, eneo la Sekei akiwa ameambatana na Katibu wa chama cha SAU Arumeru majira ya saa 03:10 asubuhi, na kukabidhiwa fomu hizo za Uteuzi majira ya saa 03:30 kwa kuwania nafasi ya Mbunge wa Jimbo hilo.

        Aidha Msimamizi huyo wa Uchaguzi, amemkabidhi fomu ya Uteuzi mgombea huyo,  kufuatia Maelekezo ya Fomu ya Uteuzi Na. 8B,  kwa mujibu wa Kifungu cha 38 (3) na (4) cha Sheria ya Taifa ya Uchaguzi sura ya 343 ikiweka wazi mambo yaliyojumuishwa kwenye fomu ya Uteuzi.

        Hata hivyo Mtambule, amemtaka mteule huyo, kusoma melekezo yaliyotolelewa na Tume ya Taifa ya Uchaguzi kupitia vitini vya maelekezo, sambamba na kuheshimu taratibu za uchaguzi kwa kuepuka maneno ya kashfa kwa wagombea wengine wakati wote wa Kampeni huku wakiwaelimisha wafuasi wa Chama chao kuwa watulivu ili uchaguzi uwe wa amani, huru na wa haki.

        Mgombea huyo amefanya kufikisha idadi ya Wagombe watano kutoka vyama vitano vya siasa, kuchukua fomu ya Uteuzi wa Ubunge kwa Jimbo la Arumeru Magharibi.

PICHA ZA MATUKIO

Msimamizi wa Uchaguzi Jimbo la Arumeru Magharibi, Saad Mtambule (kulia), akimkabidhi fomu ya Uteuzi wa Ubunge Jimbo la Arumeru Magharibi Bi. Frida Marko Nnko, kugombea nafasi ya Ubunge kupitia Chama cha UMD.

Bw. Elias Fatael Chonjo akisani daftari la kukiri kupokea fomu ya Uteuzi wa Ubunge kupitia Chama cha Sauti ya Umma SAU, mara baada ya kukabidhiwa fomu ya Uteuzi wa Ubunge na Msimamizi wa Uchaguzi Jimbo la Arumeru Magharibi.