RC MONGELA AWAHIMIZA VIONGOZI KUHAMASISHA WATU KUHESABIWA SIKU YA SENSA

Posted on: August 18th, 2022

Na Elinipa Lupembe.

Mkuu wa Mkoa wa Arusha Mhe. John Mongella amesema zoezi la sensa halina itikadi ya kisiasa wala dini, hivyo kila mtu ana wajibu wa kushiriki na kuhamasisha wengine kushiriki zoezi hilo igikapo 23.08.2022.

Ameyasema hayo alipokuwa akizungumza na viongozi wa wananchi kwa makundi ikiwemo wa madhehebu ya dini, Siasa, Kimila na wnyeviti aa vitongoji na vijiji na watendaji wa Halmashauri ya Arusha katika kikao cha kuhamasisha zoezi la Sensa.

" Zoezi la sensa halina itikadi ya siasa wala dini, niwaombe viongozi wenzangu kila mmoja ashiriki kuhesabiwa na kuhamasisha wengine kwa maendeleo ya mtu mmoja mmoja, familia, Jamii na Taifa kwa ujumla".

Maendeleo hayaitaji siasa wala dini, maendeleo ni  kwa ajili ya kila mtanzania katika itikadi za kisiasa tofauti, hivyo tuungane kwa pamoja kuweza kulifanikisha hili.

Amewataka viongozi hao wakatoe elimu kwa wananchi hasa zoezi la sensa sio la siku moja bali ni siku 6 kaunzia Agosti 23 hadi Septemba 3 na usiku wa Agosti 22 kuamkia 23 sensa itaanza kwa wale wasio na makazi maalumu kama vile wasafiri.

Aidha, Mhe. Mongella amesema atakae husika kukwamisha zoezi hili ajue sheria itachukua mkondo wake bila kuonea yeyote.

Pia, Mongella amewataka wananchi wa kata ya Oljoro kuhakikisha siku ya tarehe 23  hadi tarehe 3 Septemba wanaacha taarifa zao majumbani ili iwe rahisi kwa karani wa sensa anapopita kuzipata kwa urahisi.

Amewataka wakawe mabalozi wa zoezi zima la sensa ili Serikali inapoleta huduma mbalimbali kwa wananchi kila mmoja aweze kunufaika.

Mhe. Mongella pamoja na Katibu Tawala bwana Missaile Musa wanaendelea na ziara ya kuhamasisha wananchi wajitokeze katika zoezi la sensa kwenye kila halmashauri ya Mkoa wa Arusha.

SHIRIKI SENSA YA WATU NA MAKAZI 20202

JIANDAE KUHESABIWA 23.08.2022