SIKU 16 ZA KUPINGA UKATILI

Posted on: December 1st, 2024

Mwenyekiti wa Halmashauri ya Wilaya ya Arusha, Dkt. Ojung'u P. Salekwa, awataka wananchi kushiriki kikamilifu katika kutoa taarifa za matukio ya ukatili yanayoendelea katika jamii na akasema kwamba kutotoa taarifa ya matukio ya ukatilii kunatoa mwanya kwa vitendo hivyo kuendelea.

Aidha, alibainisha kuwa kuelekea siku 16 za kupinga ukatilii, Halmashauri inaendelea kuchukua hatua madhubuti za kuhakikisha kuwa elimu kuhusu madhara ya ukatili na njia za kuzuia zinawafikia watu wote, hasa wale wanaoishi vijijini ambako mara nyingi matukio ya ukatili hufichwa.

Alihitimisha kwa kuwahamasisha wananchi kushirikiana kwa karibu na viongozi wa mitaa, mashirika ya kijamii, na vyombo vya usalama katika kukomesha ukatili wa kijinsia na ukatili dhidi ya watoto.