TUMEKAMILISHA UKARABATI WA JENGO LA KITUO CHA WALIMU -TRC NAUREI KATA YA KIUTU✍✍...

Posted on: May 4th, 2023

Na Elinipa Lupembe

Ukarabati wa kituo cha Walimu -TRC Naurei kata ya Kiutu, umekamilika, mradi uliogharimu kiasi cha shilingi milioni 22 fedha kutoka Ofisi ya Rais TAMISEMI kwa kushirikiana na Wizara ya Elimu, Sayansi na Teknoloji kupitia mradi wa GPE - LANES II.

Serikali imefanya ukarabati wa vituo vya walimu nchini, kufuatia mpango wa Serikali wa kuboresha miundo mbinu ya Elimu msingi nchini, kwa lengo la kuimarisha stadi za Kusoma, Kuandika na Kuhesabu ( KKK).

Hata hivyo, Mkuu wa Idara ya Elimu Msingi, Mwl. Salvatory Alute, amesema kuwa, kukamilika kwa mradi huo, kutawawezesha walimu kupata mafunzo kazini, mafunzo ambayo yatawajengea uwezo wa kujiongezea maarifa ya ufundishaji,  hali itakayowezesha wanafunzi kujifunza stadi tatu za Kusoma, Kuandika na Kuhesabu kama ilivyokusudiwa na Serikali.

Awali, halmashauri ya imetekeleza mradi wa ujenzi wa vituo vitano vya  walimu kwa gharama ya shilingi milioni 110, kufuatia mpango wa serikali wa kuboresha miundo mbinu ya Elimu msingi nchini, ili kuimarisha stadi za Kusoma, Kuandika na Kuhesabu ( KKK).

ARUSHA DC ni Yetu, Tushirikiane Kuijenga"