Uzinduzi wa Kituo cha Taarifa Ace Africa Resourses Center

Posted on: November 8th, 2017

Wananchi wa kata ya Musa wametakiwa kuwafichua watu wanaofanya vitendo vya ukatili kwa watoto kwa kutoa taarifa kwenye kituo maalumu cha kutolea taarifa cha Ace Africa Resources Center kilichojengwa kwa zaidi ya shilingi milioni sita kwenye kijiji cha Oloitushula kata ya Musa.

Rai hiyo imetolewa na mgeni rasmi Afisa Maboresho halmashauri ya Arusha Eline Mwanri kwa niaba ya Mkurugenzi Mtendaji wa halmashauri hiyo wakati wa hafla fupi ya uzinduzi wa kituo hicho iliyofanyika kwenye kanisa la T.A.G katika kijiji cha Olcholovosi.

Mwanri amewataka wananchi wa Musa kutumia kituo hicho kufichua uovu unaofanywa na jamii dhidi kwa kutoa taarifa za ukatili huo pamoja na kupata miongozo ya namna ya kupata haki dhidi ya ukatili huo.