VIONGOZI WA MILA, DINI & SIASA TARAFA YA ENABOISHU WAKIRI SENSA ARUMERU KUFANYIKA PASI SHAKA

Posted on: August 16th, 2022

Na Elinipa Lupembe

Viongozi wa makundi ya kijamii tarafa ya Enaboishu,  wakiwemo viongozi  dini, mila, siasa na wamebainisha kuwa Zoezi la Sensa ya watu na makazi katika maeneo yao litafanyika pasi shaka, kwa kuwa viongi hao wamehamasisha wananchi wao vya kutosha.

Viongozi hao wamemthibishia hayo Mwenyekiti wa Kamati ya Sensa wilaya na Mkuu wa wilaya ya Arumeru, Mhandisi Richard Ryango, wakati wa kikao kazi cha kuhamsaisha Sensa ya watu na makazi, tarafa ya Enaboishu,,kikao kilichofanyika kwenye ukumbi wa mikutano, halmashauri ya Arusha.

Viongozi hao wamweka wazi kuwa, serikali imeweka mikakati mizuri ya kuifanya Sensa ya 2022  kuwa shirikishi kwa kutumia majukwaa mbalimbali  kuelimisha na kuhamasisha watanzania umuhimu wa kushiriki Sensa kwa maendeleo ya Taifa.

Aidha wamempongeza mheshimiwa Rais wa Jamhuri ya Muungano wa Tanzania Mhe. Samia Suluhu Hassan, kwa kuwa mstari wa mbele kuelezea umuhimu wa sena na umuhimu wa watu kuhesabiwa kwa maendeleo ya Taifa la Tanzania.

Zakayo Mollel, mzee msahuri wa kanisa la Kiinjili la Kilutheri Tanzania, amethibitisha kuwa Sensa ya mwaka 2022, ni tofauti na sensa nyingine, serikali imetumia majukwaa mengi kuelezea umuhimu wa sensa hii,

"Sisi kama kanisa, kila inapofanyika ibada lazima suala la sensa lihamasishwa, tunakuhakikishia mheshimiwa mkuu wa wilaya, hakuna mtu ambaye hatajesabiwa katika maeneo yetu kwa kuwa kila mtu kwa nafasi yake wa kusikia amesikia na wa kuelewa ameelewa, tuko tayari kuhesabiwa" Amesisitiza Mzee Zakayo Mollel

Naye Shekhe wa Msikiti wa RAHMA Moivo, amesema kuwa, imani ya dini ya kiislamu inaamini sensa ni tukio muhimu kwa maisha ya mwanadamu, kila tunapofanya ibada tunawahamasisha wananch kuhesabiwa, hivyo tunahikia watu watanzania wote watahesabiwa.

Naye Diwani wa kata ya Kimnyaki Mhe. Eliakim Marivei   serikali imefanya kazi kubwa sana, kuhakikisha zoezi la sensa ya watu na makazi litafanyika kwa ufasaha na kuongeza kuwa wao kama viongozi wananchi wanaunga mkono juhudi hizo na watasimamia katika maeneo yao kuhakikisha kila mtu aliyelala katika maeneo yao usiku wa kuamkia siku ya sensa anahesabiwa.

Hata hivyo mzee wa mila wa kabila la kimaasai Tarafa ya Enaboishu, Mzee Longishu Mollel, amesema kuwa wananchi wamehamasika na sensa ya mwaka huu, na wao kama viongozi wanaendelea kuhamasisha na kuhahakikisha zoezi hili linafanyika kama yalivyo malengo ya serikali.

Awali Mwenyekiti wa Sensa ya Watu na Makazi wilaya ya Arumeru, Mhandisi Richard Ruyango, amepata wasaa wa kuwaelezea viongozi hao, umuhimu wa wao kama viongozi kushiriki zoezi zima la Sensa  ya watu na makazi.

SHIRIKI SENSA YA WATU NA MAKAZI 2022

JIANDAE KUHESABIWA 23.08.2022